JAGADE PETENG
Geguritan:
JAGADE PETENG
(Tantangan Menulis Hari ke-3)
Iki dina Minggu. Sabtu wingi aku ora nulis basa Jawa. Sejatine ya kelingan yen dina Sabtu lan Minggu para Gurusianer dikeparengake nulis ngagem basa dhaerahe dhewe-dhewe. Amarga aku kepingin nguri-nguri basa dhaerahku, yaiku basa Jawa, aku manfaatake dina Minggu iki kanggo nulis basa Jawa. Ing kalodhangan iki aku nulis geguritan:
JAGADE PETENG
Dening: Yulia Lia
Sengkala tumeka ing bumi
Klipang-klipeng, ingak inguk ing sak kiwa tengene pasrawungan
Golek lena, arep ngruda peksa raga-raga garing
Raga-raga kang ora waspada,
Raga-raga kang ora siyaga.
Sapa?
Sapa kang wus wani ngaling-ngalingi cahyane bagaskara?
Nganti jagade dadi peteng?
Tekane mung tansah gawe gendra, ngrusak katentreman.
Sepi …
Nyenyet…
Jangkrik jangkrik ora ngerik
Walang-walang angkup ora nywara
Perkutut ora manggung,
Pugeru ora keprungu.
Sengkala tumeka ing bumi
Ingak inguk leledhang golek lena.
Mula sing waspada.
Gusti,
Kawula namung titah sawantah
Nyuwun pangapura,
Nyuwun keslametan saking gendra lan sengkala
Magetan, 15 Maret 2020
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Jangkrik genggong. Wani ngerik sepi uwong. Wah, angel iki nulis basa Jawa alus. Hehe
Dalem nembe sinau nulis basa Daerah Jawi, Pak Ihsan.. Ndherek nguri-uriKersanipun tetep lestari
Luar biasa ibu, abdi parantos kami teu nulis bahasa daerah. Haturnurun parantos nginet keun ka abdi.
Pak Mulya, haturnuwun. Saya tidak paham bahasa Bapak.. Hehe..
Mugi Gusti paring sih kawelasan datheng kita sami. Pinaringan sehat, slamet tebih ing sambikala. Amin.
Aamiin, nuwun sanget Bu Reni. Mugi Panjengan sekeluarga ugi tansah pinaringan sehat, tinebina saking bebaya.. aamiin..
Puisinya unik dan keren. Meskipun daya bsblas kurang paham artinya. cuma sepotong-potong.