AJA NYEDAK KEBO NEDHAK.

Ibuku wis pangsiun guru. kanggo kesibukan ibuku sering neng kebon. Mbedhuli suket,nandur wit ganyong,wit angkrik,wit boled,wit gedhang lan liya-liyane. Bar nyambut gawe biasane slonjor,rasane ngonggor. Beyekane bengkek, dengkule lara nanging ora kapok.

Angger urung kebangeten rasane,ibuku ora mandeg anggone nyambut gawe. Ora ketang mlayune maring dokter. Saran dokter kon aja macul. Jane ora diobati be mari. Nanging pancen gamam angger ora maring kebon. Senajan wis prentah wong,ibuku tetep melu nandangi.

Ora baen-baen kasile tanduran ibuku wohe nyenengaken gedhange

gedhe'gedhe. Angkrik, ganyong akeh, dibagi tangga teparo.Ibuku krasa bungah bisa mbagi-mbagi kasil tandurane.

Pager kebone nganggo rajeg wit katu lan wit bolet. Kabeh ana mupangate kena nggo tegehan karo kanggo kluban. Godhong bolede katon ijo mledung-mledung. Angger disawang gawe bombong atine.

Sewijining dina ibuku gela ora karuan. Tanduran bolede godhonge ludhes ora karuan. Neng kono ana kebo lagi mangani kodhong boled. Ibuku njukut watu terus mathak kebon. Kebo mau terus pada bigar. Sing duwe kebo metu karo mecucu ngomeih ibuku. Ora rila kebone dipathak. Ibuku semaur karo esih nggawa kayu,niate agep nggo mbrengkolang. "Kuwe goli angon kebo sing bener,nedhak karangane tanggane dijorna bae".

Sarkum ora gelem kalah karo malang kerik,"Nganah kebone domeih, Nedhak-nedhak dewek malah ngomeih aku".

Oalaaahhh...ngomong karo wong kenthir..ya enek dewek.😇😇😇