Ngiter Wektu
Kairing rasa syukur mring Gusti
Gumregah cancut hamiyak eseme surya
Kaoyak pambangoke jago parak esuk
Kaawe-awe swara kidung suci hanelesi ati
Netra tan kendhat mbuntut ing panyawang
Kang kumleyang tumlawung kadlarung
Kandheg tumuju tembok gagah pidegsa
Ngadeg nggejejer nyangga lumakuning wektu
Siji mbaka siji kairingan pakaryan antri
Kawiwitan gumelare klasa cilik
Malumahe bala pecah kang kudu kaisi
Katata tharik-tharik sak lumahe meja
Saya nambah gumreget-greget kekiteran
Pandom wektu sajak ngerti ana kang ngiter
Sansaya kumliwer sesliweran
Rinasa saya muter banter agawe kether
Nanging aku emoh kalah...
Kinanthen niat ikhlas madhep manteb
Panjeriting ati, jumangkahing sikil kaya kaplengkah
Ati antuk bebungah katampa eseme bocah
Kasil mecah swasana sidhem pawiyatan agung
Kang aran sekolah
Matur nuwun
ListyaMukti, 16 Januari 2023
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar