Iku Titipan
Ngger...
Gatekna...rungokna...lan tindakna
Sak benere...
Apa bae kang ana
Abang ijone kahanan kang kok adhepi
Wus tinata cinipta tinulis lan ginaris
Dening Kang Maha Kuwasa
Bagus ayune rupamu
Sugih miskine uripmu
Dhuwur sarta cendheke pangkat drajatmu
Sejatine kabeh mono hamung titipan sak derma
Tan bisa ginawe tumindak sarwa ndhangak
Daksiya miring sak pepadha
Mula nggeer...
Tansah ndhingkluka...eling lan sadhara
Yen Kang Kuwasa sak wewayah kersa
Hanyabut titipan kang wus kaparingna
Sak temene...
Kabeh iku bakal sirna muspra tanpa guna
Kang sinisa hamung getun lan ewuh aya
Hayo cepet sira jumangkaha
Tumindaka andhap saja asor
Kinanthen rasa syukur ikhlas tawakal
Hanrima mring sak kabehing titipan
Kang wus tinampa
ListyaMukti,
13 Januari 2023
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar