KPPL Kota Padang

#tantangan H-4#

Uni elok hati

Oleh sulasmi

Sanak. Carito wak masih saputaran kahilangan bantuak nan ka patang. Bedonyo ciek je nyeh. Momennyo. Bitu kecek rang kini.

Penulis perkenalkan tokohnyo urang panggia tek sulaih. Baa mantun joh? Di tampek karajo baliau ko bamacam-macam sapaan keakraban. Ado nambo, pak uwo, ayah, amak dan lain sebagainyo.

Dan nan lain sebagainyo tu salah satu etek atau tek. Di balakang kato sapaan tu disamekkanlah namo ybs. Lai abeh di sanak ybs ko? Yang bersangkutan

Tek sulaih ko di tampek karajonyo berfungsi sebagai cirobong asok. Sagalo ide jo gagasan kawan-kawan we e nan barani manyampaikannyo dalam forum-forum resmi.Manih jo paiknyo usulan nyo sampaikan secara terbuka, transparan and tanpa basa-basi.

"U Mild tu tek"

Manyalo pulo kabel raun di bawah kasua. Ka bangih antahlah. Kecek si kabel ko batua. Iklan rokok nan ciek ko mottonyo "Tanpa basa-basi"

Tapaso tek sulaih senyum manis se maiyokan. Kalau ndak divonisnyo pambangih dek si kabel. Padahal iyo mah.

Alah sangan tu se dulu perkenalannyo.wak masuak ka inti pakaro.

Ado kajadian menarik nan manimpo etek ko. Baliau ko kahilangan jam tangan. Barang ko hadiah ulang tahun nan ka satangah abaik umua e. Alah 27 tahun balaki baru sakali ko laki maagiah hadiah.

Baralah ka sanang hati mandapekkan hadiah nan ko. Sahinggonyo lun talakik babukak plastik pangamannyo, nan jam ko lah balagakkan ka nan rami.

Sabananyo sanak, tek sulaih ko awalnyo lah anggan juo ka mamakai. Baa mantun joh? Rantainyo panjang sahinggo lapang di tangannyo.aratinyo gadang indak sasuai. Saharusnyo dikurangi rantainyo agak tigo atau ampek blok. Alun talakik mangurangi la doh.

Jam ko indak babali di toko ko doh sanak. Babali onlen dalam hp sajo. Awak piciak se hp ko mangecekkan awak katuju,diantakan nyo se dek kurir ka rumah awak. Mambayianyo cod lo sanak. Apolah kapanjangan cod ko yo? Nan pasti, tibo barang di umah wak bayia langsuang.

Segeh lo caro balanjo kini ko sanak. Baa pitih wan nan ka abih. Indak bajalan wak, nan pitih ko bajalan juo. Samo lo jo manggaleh umang-umang sanak. Padagangnyo lalok. Nan galeh jalan taruih. Hehehheehe.

Babaliak wak k jam cako. Jam ko tibo ka rumah tek sulaih tatkalo ka pai baralek jo sang laki. Lah sak cako ka pai. Alun juo laki ko amuah lae. Tunggu ka tunggu juo ja nyo. Tek sulaih ndak mangarati apo nan baliau tunggu.

Lah panek mangaceh kalua ka dapua tibolah urang ka rumah maantakan barang. Nampak laki manyongsong urang nantun ka pintu. Barosoklah saku baetong rupiah ka tangan urang nan maanta barang ko.

Tanyato pitih di sakuih ko paih bana sabanyak tagihannyo. Ndak maha doh. Motuihibu je nyeh. Jo sanang hati laki ko mambukak kotak ko. Baambiak tangan tek sulaih langsuang jam ko basorongkan.

"Waauuuuu....... Jadi juo abang mambali jam ko yo? " sambuik tek sulaih jo sanang hati.

Ndak tabado sanangnyo hati mandapek barang rancak katuju di hati. Memang wakatu ka mamasan ko laki lah mamparagokan gambarnyo ka tek sulaih. Tapi dek maingek haragonyo maha. Tasuruiklah pangana.

"Kalau abang ada uangnya. Kasih aja ke aqu tuk bayar kontribusi belajar menulis d kppl kodya padang"

Tek sulaih maraso baraja labiah pantiang daripado jam nantun.

"Tapi adek suka kan jam nya? "

"Suka sekali"

"In shaa allah tuk belajar itu ada saja rezki. Jika ada kemauan pasti ada jalan" Pungkas laki ni sulaih.

Mungkin karena kalimat terakhir itulah laki tek sulaih bela-bela in mambalinyo. Baragiah ka urang barang nan katuju di urang nantun merupakan kebahagiaan tersendiri nan tak tanilai. Yo kan sanak?

Balakekkanlah jam cako ka tangan tek sulaih.

"Mulah baralek wak lae" ja nyo laki

"Jamnya lapang abang...... "

"Ya gakpapa. Geser ja ke atas"

Tak mungkin kan tek sulaih malapehkannyo dari tangan? Mako barangkeklah sapasang lakibini ko baralek.

Lah sudah makan jo minum. Lah barangah pulo. Nan laki lah sato pulo balagu tuk nakdaro jo marapulai. Dek maraso panek tek sulaih ko baniat ka pulang hanyo lai. Bacaliak tangan lah jam bara ko lah hari.

Tasirok darah di dado. Tapacak paluah di kanyiang. Jam cako ndak ado di tangan lae. Lah kaca-kacai mancari sakuliliang. Di bawah meja tampek makan, di saputaran lokasi nan di tampuah. Indak ado basuo.

Tek sulaih mandakek ka pentas tampek laki balagu. Bakecekkan jam ilang. Langsuang barubah aia muko laki. Baranti balagu. Batanyoi bini.

"Udah dicari? "

"Udah.... Tapi nggak nemu. Nggak tau juga dimana jatuhnya"

"Ya udah. Nggak rezeki"

Ni sulaih kasak kusuk mencari kesana kemari.cemas.Keringat dingin mengaliri sekujur tubuhnya. Ada penyesalan di dalam hati. Mengapa memakainya tadi. Sudah tahu lapang. Akan tetapi ndak tega malapehkannyo karano kecek laki ndak baa.

Jam tu ni sulaih suko. Sabananyo sabalun laki manawarkan ni sulaih lah maincarnyo juo di lazada. Tapi dek kepeang ko sayuik batahan juo kainginan.

Untuak malapehkan uweh-uweh baumumkankah berita kahilangan ko di paralek an. Mukasuik hati ma tahu ado nan mandapekkan. Bia nan basangkutan tau sia nan punyo. Kan baitu nak sanak? Kalau ndak mantun dima urang ka tau sia nan punyo barang.

Kok li untuang dapek di urang nan elok hati.

Sasudah disorakkan si corong ni sulaih jo laki baranjak pulang. Manangih sapanjang jalan co paja kaciak kailangan pamenan. Ruponyo manusia ko pado keadaan tertentu bisa barubah fase. Dari dewasa ke Anak-anak atau pun sebaliknya.

"Ya udah gak usah nangis. Ntar di pesan lagi"

Pandai bana laki ni sulaih ko mahibur. Padohal pambayia nan cako tu sajo lah loroik isi sakunyo.

"Mudah-mudahan Allah mengembalikannya kepadaku lewat orang baik"

"Aamiin........ " Balas laki.

Samalaman ni sulaih tak bisa lalok. Takana peristiwa siang tadi. Nan barek bana slahnyo bukan barangnyo. Malainkan kalimat dari urang nan nyo anggap kawan. Nan sapatuiknyo mahibur. Malah malecehkan. Sahinggo rusak hati ni sulaih.

"Mancacek baumumkan bana di mic. Bara bana bali jam tu. Wak kayo"

Baitu kalimat kawan elok ni sulaih tu. Yo bana tasingguang barek mandanganyo. Jan kan mahibur. Marandahkan nan ka lai. Mungkin nyo alun pernah marasokan nan bak nan ko. Atau karano mati raso marasokan lara urang lain.

Awak ko sanak kok ndak bisa maubek duka urang. Janlah maremehkan atau marandahkan. Cubolah di sanak kalau ndak diumumkan dima ka tau urang nan mandapekkan barang tu kito nan punyo. Taibo bana hati ni sulaih.

Nan tasanuak di ni sulaih tu adolah penghargaan dari lakinyo. Demi manyanangkan hati bini. Cabiak saku. Tanyato cacah sajo ado di tangan. Tambah ado pulo urang nan komen ka baliau.

"Lai ikhlas mak mambalikan Ibuk"

Kalimat itu pun manusuak jantuang laki. Lai ka mungkin laki ndak ikhlas mambalikan barang tuak bini. Ingin mancaliak bini rancak manyih baperhiasan. Sado laki mantun nak sanak?

Dalam tangih ni sulaih badoa semoga Allah mambaliakkan jam itu ka inyo. Tanyato doa tu dijabah sanak. Subuah rayo datanglah uni raw ja rumah. Maantakan jam nantun.

Ndak tabedo sanang hati. Manuruik carito uni tu. Jam ko nampak di nyo di salo rumpuik di tapi labuah katikonyo pulang dari baralek. Uni ko mastercook di tampek baralek. Patang ari tu pulang cacah mangganti kostum.

Manjalang ka rumah uni raw ko batanyo-tanyo juo dalam hati. Sialah nan punyo jam ko. Ado juo baru plastik pangamannyo. Patando barang ko baru bana ko ha. Dalam hatinyo bakato.

"Bialah dibao pulang dulu. Mudah-mudahan tau sia nan punyo. Dibaliakkan suak"

Sanjonyo uni raw babaliak ka paralek an. Mek sinannyo mandanga berita kailangan. Ni raw indak mangecekan ka urang-urang baraso inyo nan mandapekkan. Nyo langsuang ka rumah ni sulaih.

Uni raw ko katauan bana lo jo ni sulaih dan keluarga. Jadi ndak paralu urang tau jo kabaikannyo.

"Ahamdulillah ya allah. Mokasi banyak ni"

Ni sulaih basujud di lantai. Manandokan raso syukur nan mandalam. Dan manyuruakkan ka tangan ni raw duo lembar saratuih ribu. Tapi ni raw manulaknyo.

"Jan dinilai jo pitih. Uni ndak katuju. Maliek Ibuk sanang hati uni labiah sanang" baleh ni raw ikhlas.

" Bukan itu ni. Itu raso tarimo kasih ambo sabagai bukti raso syukur"

"Putiah kapeh dapek diliek ni. Putiah hati bakaadaan"

"Kalau mantun ja nyo ibuk. Agiah se uni jilbab dalam nan rancak katuju di ibu. Biati uni mamakai"

Ya Allah...... Eloknyo uni ko lae sanak. Mako ni sulaih kaluakanlah babarapo jilbab nan nyo sukoi. Nyo suruah ni raw mamiliah. Ni sulaih maraso dipatamukan jo urang elok sadunia nan surang ko. Tarimo kasih banyak ni raw. Semoga kebaikan uni dibaleh jo limpahan rasaki nan barakah.

#nantakkaluposalamonyounirawaninanelokhati#