GEGURITAN

KANGEN.

By:Siti Nur Hasanah

Swara manuk kang arep nggolek pangan mabur nambahi endahing swasana esuk iki.Najan esuk iki ,krasa beda ora kaya adat sabene.

Esuk iki katon endah edipeni

**

Yen nyawang endahing esuk iki, aku dadi kelingan , lan kangen marang sisihanku.

**

Najan to aku ya wis iklas lillahi ta'ala.

Nanging esuk iki ngelingake aku rikala sakmono.

**

Ana ngarep omah jagong bareng karo anak uga sisihanku.

**

Esuk kang kebak crito , guyu lan jagong kang anget.

**

Duh gusti kang akarya jagad.

Mugi panjenengan kersha paring pangaksama dateng sisihan kawula kang kebak dosa.

**

Nanging kula nyekseni yen sisihan kula tiyang ingkang sae , jujur lan setya ing janji.

**

Mas, aku tansah kelingan marang panjenengan.

Ing njero ati iki kur ana priya loro, yaiku Bapak lan panjenengan.

**

Esuk iki rasa kangenku marang panjenengan kaya disiram banyu udan.

**

Dina ahad iki kantilaning ati ya iku putri lan wayah pada ngumpul mas, kaya biyen rikala panjenengan isih sugeng.

**

Esuk kang sumilir lan asri iku

nggugah rasa kangenku kang tanpa titik.

**

Aku kelingan saben ahad isuk panjenengan ngadang bakul srabi kinca kang anget didahar sinambi ngunjuk jahe anget. Kebiasaan iku isih tetep mas .

**

Nanging isuk iki ya tetep beda sebab ora ana panjenengan ing sisihku

Bener ngendikanmu mas, yen nomer siji iku sehat.

Apa maneh saiki ana wabah kang nggegirisi, yo iku corona covid 19.

**

Mas, panjenengan ora pirsa tahun iki sepi mas, amarga wabah corona kang isih sliweran luru mangsa , sapa kang dadi kurbane.

Muga - muga bae ora nyambangi marang keluarga ne dawe ya mas.Lan muga - muga enggal oncat saka bumine nusantara iki.

Limpung,13/9-2020

T.5