70th Day

#Tantangan Gurusiana hari ke 70

Hobi mamasak kini sadang kambuh Jo amak-amak, tamasuak ambo surang, kalau alah tabik matohari takana apo menu nan kadimasak. Mulai dari mambuek sarapan, makan siang, makan malam ataupun cemilan.

Hari kini contoh e, pagi-pagi ambo mambuek nasi goreng tambah mie nan bagoreng pulo, minas istilah e. Manjalang siang ambo ingek dikulkas ado dagiang, dan ambo merencanakan mambuek randang lamak.

Kalau manuruik ambo randang lamak ko dibuek pakai tungku Jo kayu baka, aroma asok kayu bakanyo tu nan mambuek lamak. Tagageh tadi sabalun marandang ambo mambali tungku ciek sajarangan, nan biaso tungku 3 sajarangan. Nan Iko cieknyo, bantuaknyo takah pot bungo tabaliak.

Alah sudah kasado bumbu, ambo mulai maiduikan api pakai kayu baka, tapi karano tungku ciek sajarangan, ruang untuak api batutuik sadoalah e, jadinyo awak harus fokus ka api jadinyo, Jan sampai Baro manumpuak di tungku tu. Tapi alah satu jam lewat nan gulai ambo alun ado manunjuakan tando manggalagak lai, aturannyo alah masak, tapi kok Indak amuah masak. Ondeh Mandeh..

Dek karano wakatu Zuhur alah masuak pulo, ambo pindah juo mamasak ka kompor gas lai. Manyarah judul e, bantuaknyo manggunoan tungku ciek sajarangan ko harus tau teknisnyo bana wak mah.