#Tagur207

Manahan Santiang..

Manaham parasaan labieh barek dari pado manahan salero Manahan emosi labieh rancak dari pado manahan hati. Manahan ko iyo paralu dalam iduik karano awak indak iduik surang do. Nan indak buliah tu manahan santiang. Baa kok model itu? Tantu ado alasannyo sahinggo awak indak bulieh manahan santiang.

Kato "santiang" jikok diterjemakan dari bahasa Minang ka dalam bahasa Indonesia sasuai kamus Minang-Indonesia, bararti hebat, pintar jo lihai. Santiang ko tamasuek ka kato sifat nan banyak dijadikan parumpamoan dalam babagai kalimat.

Umpamonya di kalimat sasantiang-santiangnyo urang, sakali maso ka salah juo. Kalau diartikan langsuang ka bahasa Indonesia sehebat-hebatnya orang, pasti pernah salah.

Baliak ka pokok carito di ateh tadi. Manahan santiang Iyo indak bulieh jadi sifat dalam diri awak do. Kalau awak iyo santiang jan sok bakalabiahan awak sajo nan santiang. Indak ado urang di ateh awak lae do. Jikok urang paralau jo kehebatan jo santiangnyo awak, jan sampai indak namuah pulo manolong urang nan butuh jo santiangnyo awak. Tapi mantang-mantang awak santiang tu batahan pulo santiang ko. Kalau urang indak mamintak tolong ka awak, tu awak indak nio pulo manawarkan patolongan ka urang tu. Ingeklah contoh papatah nan alah dikamukokan tako. Sasantiang-santiangnyo awak, agak sakali maso ka salah juo. Sasantiang-santiangnyo awak agak sakali katagurajai juo. Rodako baputa, kini iyo awak nan santiang. Sakutiko maso adolo urang nan labieh santiang dari awak. Jadi jan maninggie taruih san. Santiang bana awak paralu juo urang nan indak santiang konyo. Antah kok lae ka bisa hiduik surang jo santiangnyo awak???

Solok, 11 Desember 2022...