#tantanganharike_45 #tantanganmenulismediaguru Matohari lah mulai agak condong. Karajo lah ta ansua pulo sasuai target. Nan sumatera tengah lah mulai ma agiah kode. "Alah tu Tek Nun, makan awak lai," sorak galang-galang dari dalam paruik. "Tunggu cah lu." "Jan tunggu-tunggu juo Tek Nun. Lah pucek bantuak ko a." "Sabaa. Wak tunggulah kapalo rombongan lu. Kadang kamu mambuek2 malu tek nun se ma. Sudahlah gratis ndak lo tau malu." "Ha ha ha...." "Galak kamu." "Baa ndak ka galak. Kironyo lai gadang juo malu tek nun." "Agak2 yo. Jan talonsong bana mangecek kalau ndak nio namo kamu viral di dunia maya." "Ampun tek nun. Jan di jadikan pulo malu wak ko jadi tulisan." "Hik hik." Kalau sarok2 kuaci ko tantu awak paralu pulo tau diri ndak sanak. Salah2 langkah jatuah pulo martabak wak beko. Tantu basorak samuik. Nan awak mancilabia. Paralu basaba. Ndak bisa sakandak ati. Mako e nan kurenah harus didahulukan. Raso jo pareso jan sampai tingga. Dak lamo antaronyo, kapalo rombongan lah mulai manampak an wujudnyo. Mako basugiro lah mandakek ka lokasi. Nan paruik iyo ndak bisa di baok kompromi lai. Lah habih malunyo. Kriukkkk... Kriukkkk... Untuang tagak lai agak jauah dari kapalo rombongan. Jadi ndak tadanga bunyi nyo do. Kalau dakek tantunlah malu surang sajo tek nun. Dek rombongan jumlahnyo banyak, mako bapiliah lah tampek baselo nan agak lapang. Di sinan tukang janang ma hidangkan makanan nan lah manjadi spesifik di tampek tu. "Wadaw...." tek nun tapakiak. "Baa kok mantun bana tek nun?" "Ndak kuaattttt" "Lebay tek nun ma," kecek kawan nan di subalah. "Bukan masalah lebay, batambah doso mato tek nun." "Baa kok baitu?" "Caliak lah tuuuu, ayamnyo seksi. Indak ba bajuuuu," sambia manutuik mato. "Tantu iyo lah nyo tek nun. Ayam nan ndak babaju tu nan manyalero. Kok babajunyo ndak ka talok gai manggigik do." "Iyo yo. Ayam babulu pulo ka di kuih. Emang tek nun musang?" Ha ha ha.... #menukisitusedekah #virusbahagia