#Tantangan Gurusiana

Tantangan hari ke 10

Gajombong adolah pohon pitih. Dibuek dengan Caro maambiak rantiang pohon nan masih kuaik dan ditanam baliak ka dalam pot. Sudah tu diagiah hiasan dengan karateh warna warni. Kamudian digantuangan berbagai macam pitih karataih di rantianga-rantiang tadi. Untuak pamanih, Ado Lo urang manggantuangan berbagai macam gulo-gulo di ujuang rantiang tu.

Gajombong dibuek untuk memeriahkan acara peringatan maulud Nabi Muhammad SAW. Pitih sumbangan nan takumpua dalam suatu kelompok lah nan digantuangan di pohon pitih tadi.

Basedekah adolah salah satu amal Sunnah Nabi, samakin banyak awak basedekah Mako samakin banyak Pulo pahalonyo. Sahinggo balomba-lomba lah masyarakat maningkek an jumlah sumbangan pitih digajombongnyo. Karano Ado raso gadang hati katiko tau gajombong awak nan paliang rancak dan banyak pitihnyo.

Acara maulid Nabinyo diadokan di surau-surau atau musajik, acara Iko tamasuak dalam acara Alek nagari. Pitih nan takumpua dari tiok-tiok gajombong tadi dipagunoan untuak musajik nan ma adokan acara maulid nabi tu. Bisa untuk pembangunan ataupun biaya renovasi musajik. Sahinggo dengan adonyo acara Iko, musajik-musajik di kampuang Kito mandapek paratian dari masyarakat sakaliliangnyo.