#Tantangan gurusiana hari ke 330

Oleh : Herita Puji Astuti

  Ora kerasa wis arep telung tahun pandemi covid 19. Rasane wis pingin sekolah kaya biasane. Ketemu Karo bocah bocah lan belajar langsung ketemu. Kawit ana covid Kabeh Kabeh di batesi. Arep ketemu beh, kaya wong ora kenal. Ora ulih cepak cepak. Jarene mengko nulari. Padahal wonge ya sehat walafiat. Tapi jare ngko ketularan. Arep lunga lunga ora ulih. Kon Nang umah Bae. Ora ulih Maring ngendi ngendi. Pokoke ngalahi zaman perang. Ari perang sih nggenah musuhe, lah kiye? Ora ngeri wujude tapi di wedeni. Ya Allah....rasane serba salah.  Sekolah di Kon Nang umah ora ulih Maring sekolahan. Alesane ana covid. Padahal wong Nang sekolahan kui Toli wonge iku iku Bae. Tapi Nang mol di buka, padahal wong tekan ngendi ngendi butul Maring ngonoh.

  Sing paling nyedihaken pas nembe belajar Nang umah ngnggo daring. Kudu nduwe HP android. Nek HP biasa ora bisa nggo daring. Nang kene mulai pada pusing. Ora cuma gurune tapi wong tuwane pada curhat Maring gurune. Werna werna curahatane. Ana sing curhat, " Bu , aku sih kepriwe HP ora nduwe, boro boro nggo tuku HP, nggo mangan be angel". Tak jawabi " wis Bu, sing ora nduwe HP, Maring umahku Bae ya, ngko tak Wei ngerti tugase". Ana maning sing curhat, " Bu, ampun nyong ngajari Polan. Angel tuturane Bu. Ora gelem belajar. Di Kon belajar malah main HP Bae, pusing nyong Bu". Tak jawabi, " Apa maning aku Bu. Sampean ngajari anak sampean siji be sambat. Apa maning aku, ngajari wong telung puluh punjul. Wateke beda beda. Kaya kuelah Bu,  guru ngajari anakke sampean sampean". Terus di jawab Maring wali murid kue. " Iya ya Bu, aku ngurusi bocah siji be luar biasa, apa maning Bu guru". 

  Iku baru siji loro masalah sing di laporaken wong tua. Nah, masalah sing tak rasakaken kue akeh. 

 1. Info tak kabari lewat WA, ngko alesane ora nduwe paket. Wis di omongi nek ora ana pakete meng umah pa meng sekolah Utawa Takon Maring kancane. Tapi tugas ora di kerjakan, alesane ora ngerti info.

 2. Pas waktune ngumpulaken tugas, ora ngumpulaken alesane ora ngerti kapan ngumpule. Padahal wia tak Wei ngerti seminggu pisan di kumpulaken pas Dina Sabtu.

 3. Info tak share Kawit mbengi, alesane ora ngerti. Kadang wia di bahas kan di jelasaken ora mudeng. Bola Bali Takon Bae.

 4. Giliran sing ngerjakaken malah tulisane wong tua. Bocahe di takoni ngapa di tulisaken wong tuawane, alesane ora olih mak'e. Jare Kon dolan Bae. Kesuwen nek di kerjakaken bocah.

  Saiki wis belajar tatap muka, tapi ya igin terbates. Urung ulih mlebu Kabeh. Belajare nganggo shift. Akeh kegiatan sing ora bisa di kerjakaken. Misale upacara, senam, kan ekstrakulikuler. Rasane wis kangen pingin belajar kaya gemiyen. Kesel tapi seneng. Iku sekelumit cerita pas masa pandemi sing ora bisa kelalen. Matur nuwun.