SMS dari Corona # Tantangan Menulis Hari ke-53 # Tantangan Gurusiana

            Assalamu’alaikum ww, sanak kasadoe, nan hari kini ko mah ka ma se ka pai nan corona se nan di pakecek an dek urang nan banyak ko, iyo hebat bana corona ko mah baa ka indak lai barangok juo urang di bumi ko lai yo corona se nan manjadi trend topic akhir-akhir ko mah. Kok ambo buliah mangatoan mah corona ko nampaknyo hoby bana ma SMS urang di bumi ko mah, baa ka indak buktinyo saluruah urang yo maambiak tindakan tanggap darurat mencegah atau mengobati/mengisolasi diri dari pangaruah corona ko.

            Corona atau covid-19 ko karajoe yo ma SMS se sanak, itu haa, Sanang Mancaliak Urang Susah, Susah Mancaliak Urang Sanang, nan Corona ko sajak inyo tibo di nagari awak ko kasado urang dibueknyo waspada, nan karajo urang lah porak poranda jadwal e di bueknyo, nan anak sikola lah sibuk baraja di rumah dan harus siap siaga jo paket untuk malaksanakan PJJ (Pelajaran Jarak Jauh), samantaro guru-guru harus siap pulo jo materi palajaran sacaro on line gai lah namoe.

            Tadi pagi katiko ambo barangkek ka sikola maklum ambo jo kawan-kawan guru masih adoh kawajiban datang ka sikola, jalanan nan biasonyo rami dek urang nan ka pai karajo jo anak sikola nan ka pai sikola atau mahasiswa nan ka pai kuliah, hari Sabtu ko mah jalanan yo taraso langang, takah hari rayo nampak e, sabab mulai hari rayo ka duo kota Padang ko lah langang dek banyak panduduak Padang (Nan asanyo di lua Kota Padang) ko pulang ka kampuang halamannyo bahari rayo, baitu pulo jo anak-anak nan kuliah di Padang ko nan banyak di sabuik jo anak kos, mareka tu barasal dari daerah di lua Kota Padang tu nyo pulang ka kampuang lai. Takah tu lah suasana Kota Padang khususnyo di daerah Pasar baru atau sekitar daerah nan badakek an jo kampus Unand Limau Manih nan tajadi hari Sabtu kini ko.

            Karajo Corona nan ma SMS ko ciek lai iyo mambuek urang takuik bana jo virusnyo sahinggo tampek-tampek karamaian iyo manjadi langang dibueknyo, dan adoh pulo mah sanak himbauan untuak indak mangarajoan shalat bajamaah di rumah sajik, kan sabana kurang aja corona tu mah! Kini ko mah rumah sajik diantisiapasi jo penyemprotan untuk mambunuah kok adoh nan namonyo virus-virus jo kuman-kuman nan dapek manyebarkan si corona jahanam ko.

            Corona nan suko ma SMS ko (Sanang Mancaliak Urang Susah, Susah Mancaliak Urang Sanang) sabananyo bisa pulo wak jadikan umpamo camin diri dek awak, artinya dengan adohnyo wabah corona atau covid-19 ko awak bisa mancaliak diri awak kok yo pulo corona nan ka manjadi sabab awak dijapuik dek malakaik, alah banyak parsiapan awak ka pai tu? Atau dengan adohnyo wabah corona ko lah bisa pulo wak ma etong-etong diri mah, bahasonyo kok Nan Maha Satu lah manurunkan bala tentaranyo barupo panyakik nan mawabah ko, handaknyo urang-urang dimuko bumi ko jan sok pulo lai, lah manampak an Allah mah kalau baitu mudahnyo Allah manurunkan kok azab lah namoe malalui panyakik corona ko, balinduang awak kasadoe dari sagalo mara bahayo nan datang manimpo!