Assalamualaikum dunsanak...

Baa kaba dunsanak hari kiniko..? Lai ndak kanai dek aie hujan sanak..? Kalau ambo lai indak do, karano ambo dak ado kalua rumah kecuali pagi tadi mambao amak ambo jalan pagi kaliliang komplek. DiLingkungan tampek tingga ambo kiniko ari sadang hujan. Tapi lai dak labek bana do..rinai-rinai elok k pambasuah luko kecek lagu minang nan dinyanyian dek Alm uda Zalmon, hehehee..

Oh iyo sanak, Saroman biaso kok lah basuo jo hari akek ko, bagi ibuk - ibuk jo apak-apak nan pegawai, adolah hari nyo untuak bagotong royong mambarasiahan sagalao paragek rumah tanggo. Mulai dari manyasah baju Alias pakaian apak paja, Pakaian sakola anak dan tamasuak lo baju karajo amak e... Hiskhiks..dan nan paliang penting manyiapkan makanan untuk Sumatera tengah yo sanak aa.. ( tapi, hari kini ambo dak sempat masak do sanak ), ambo jo uda ambo tadi bakarajosamo mamasang stiker dindiang ciek bidang di ruang tamu rumah ambo, nio lo mancalik dindiang rancak co dinding rumah urang nan pakai walpaper maha sanak, tapi ambo nan stiker e se lah pasang dolu, Bia irit biaya e stek.. hehehee..

Lah tibo jadwal makan tapaso ambo arak kareta ko kalua mancari samba masak sanak, ka rumah makan salero kampuang namonyo.Tantang masang stiker tu, lai sato lo ambo sakali naik tangga tu, iyo lah panggamang ambo kini sanak., tibo di ateh tu dak talok mancaliak ka bawah do,. tibo raso takuik k tajatuah, iyo tapaso uda se nan manyalasaian lai sanak, ambo tukang pacik an jo manjujuik karateh panutuik lem e se lai...

Waah, lah azan magrib..alah dulu yi sanak.. Minggu bisuak wak sambuang carito lain liak..

Wassalamu'alikum sanak kasadoe...