Tantangan hari ke-172

# Tantangan GuruSiana

PEREMPUAN MINANGKABAU

Perempuan di Minangkabau disabuik padusi aratinyo padu isi nan manjadi pamiliak suku,ulayat, pusako, kekayaan, rumah,anak sarato kaum. Mampunyoi sifat utamo: bana, jujur lahir bathin, cadiak pandai, fasiah mandidiak, dan tadidik sarato basifat malu.

Perempuan Minang disabuik juo Bundo sabab pandai manjago martabat dan punyo sikap panutan. Sadang kaum perempuan (Bundo Kanduang, pemilik suku) atau mandeh baperan mandidik, manjago nikmat Allah. Namo lain dari parampuan Minagkabau disabuik juo dengan:

Limpapeh rumah nan gadang

Umban puruak aluang bunian

Umban puro pagangan kunci

Pusek jalo kumpalan tali

Hiasan di dalam kampuang

Sumarak dalam nagari

Pudusi Minang harus mamilki sikap:

1. Hati-hati

Bakato sapatah dipikiri

Bajalan salangkah maliek suruik

Muluik tadorong ameh timbangannyo

Kaki tataruang inai oadahannyo

Urang pandorong gadang kanai

Urang pandareh hilang aka

2. Yakin kapado Allah

Iman nan takbuliah ratak

Katiadaan aka putuih bicaro

Padoman indak buliah tagelek

Haluan nan tak buliah barubah

3. Perangai berpatutan ( istiqamah,konsisten)

Bahimaik sabalun habih

Sadiokan payuang sabalun hujan

4. Kayo hati

Tagak badunsanak mamaga dunsanak

Tagakbakampuang, mamaga kampuang

Tagak basuku,mamaga suku

Tagak banagari, mamaganagari

Tagak babangso, mamaga bangso

Kalau jo budi yo bana elok

Muluikmanih kucindan murah

Pandai bagaua samo gadang

5. Tabah

Haniang hulu bicaro

Naniang saribu aka

Dek saba bana mandating

6. Jimek (hemat, tidak mubazir)

Dikana labo jo rugi

Dalam awal akia membayang

Ingek dipaham nan ka tagadai

Ingek budi nan ka tajua

Mamakaimalu jo sopan

Itulah sakalumuik tantang perempuan Minagkabau yo bana ndak lapeh dari Adat Basandi syara’ Syara’ basandi kitabullah

#mediaguruindonesia

#perempuanminangkabau

#untuakjadirenungan

#day82putaran4/ 365