Tantangan hari ke-166

# Tantangan GuruSiana

BARALEK BAKO MAKAN BAJAMBA

Tradisi nan alah turun temurun di Minangkabau katiko bulan baiak, lah banyak urang nan manikah kawinkan anaknyo. Biasonyo pado bulan syawal sahabih Ramadhan sampai dengan adiak hari Rayo Idul Adha/ hari rayo haji.Barbagai parsiapan alah mulai dipaasiang-asiangkan lai. Kok nan jauah ka disilau nan dakek ka dihimbau, guno manyampaikan mungkasuik dari urang tuo manikahkan anaknyo.

Baitu pulo satantang jo alek bako, yo dilayangkanlah surek nan disabuik tali ayam untuak disampaikan kapihak bako ( pihak keluarga orang tua laki-laki). Sabagai untuak maundang sagalo nan takaik jo bako, anak pusako, ando basumando agar dapek mahadiri alek. Mako kalau lah datang alek bako biasonyo akan diarak dengan tabua sabagai pangiriang marapulai/ anak daro, sahinggo tambah mariah alek. Bako biasonyo yang jadi induak bako akan mambao bawaan nan ditutuik jo aleh lamak. Baban/ pambawoan tu dijujuang di ateh kapalo.

Bilo iriang-iriangan tu lah sampai ka rumah mempelaidan disilahkan masuak. Ditangah rumah lah tahidang tu bamacam penganan sajak dari nan jedah barek sampai nan ringan (parabung). Salah satu tradisi unik tersebut adalah makan bersama atau dalam bahasa Minang "Makan Bajamba". Tradisi makan bajamba ini biasanya dapat dijumpai pada pesta adat atau pesta baralek.Biasonyo kalau di kampuang hidangan tu 10 hidangan nan tasusun dan taatok dengan rapi. Hidangan tu ado gulai daging, gulai rabuang, gulai cubadak kicuah, gulai ayam, pangek lauak, gado-gado, semur, gulai tauco, pergedel nasi. Hidangan parabuang ado lamang, kue bolu, wajik puluik, kue talam, agar-agar dll.

Kaum laki-laki duduk baselo dan kaum perempuan duduk bersimpuh. Kalaulah bapapatah patitih urang baru basamo-asamo manyantap hidangan, jadi untuak daerah Agam indak bajamba jo talam atau niru tapi hiadangan bajamba disusun sahamparan mamanjang mako uarang duduak mangulilingi hidangan. Untuak alek bako biasonyo pakai cela tanduak. Nan anakdaro atau marapulai biasonyo dapek bimbingan jo nasehat dari bako tarakhir panyarahan bawooan bako.

Nilai kebersamaan marupokan salah satu nilai yang dapek diambiak hikmahnyo dari tradisi makan bajamba ko. Indak ado pabedaaan status sosial, sodohnyo makan bersamo-samo dalam hidangan dengan menu nan samo pulo. Mananamkan nilai sopan santun, mamparerat tali silahturahmi sarato saling menghormati satu sama lain.

#mediaguruindonesia

#baralekbakomakanbajamba

#tradisinanparaludilestarikan

#day76putaran4/ 365